Аб сустрэчы Міністра замежных спраў Беларусі У.Макея з вучнямі віленскай беларусай школы
29.12.2017 г.28 снежня 2017 г. напярэдадні святкавання Новага года Міністр замежных спраў Рэспублікі Беларусь Уладзімір Макей сустрэўся з вучнямі і выкладчыкамі Віленскай беларускай гімназіі імя Ф.Скарыны.
Падчас мерапрыемства Міністр уручыў Грамату Міністэрства замежных спраў дырэктару віленскай беларускай гімназіі Дзіяне Стахновіч. Кіраўнік школы атрымала гэтую высокую ўзнагароду за значны ўнёсак у прапаганду і развіццё адукацыі на беларускай мове, захаванне нацыянальнай культурнай спадчыны.
У рамках сустрэчы У.Макей расказаў вучням аб Беларусі, яе знешняй палітыцы, падтрымцы беларускай дыяспары, а таксама адказаў на шэраг пытанняў.
На памяць аб сустрэчы Міністр замежных спраў Беларусі ўручыў віленскай гімназіі пано «Слуцкія паясы».
Для школьнікаў таксама была арганізавана экскурсія па музеі гісторыі МЗС.
