Аб адкрыцці Пасольствам выставы, прысвечанай Статутам ВКЛ
12.04.2019 г.12 красавіка 2019 года Пасольства Беларусі ў Літве ўрачыста адкрыла выставу, прысвечаную Статутам ВКЛ, у Віленскай беларускай гімназіі імя Францыска Скарыны.
У сваёй прамове Часовы Павераны ў справах Беларусі ў Літве Кацярына Ерміліна адзначыла, што ў наведвальнікаў выставы «ёсць выдатная магчамасць зазірнуць у мінулае, яшчэ раз дакрануцца да нашых вытокаў, да вытокаў беларускай дзяржаўнасці».
«Вельмі важна адзначыць, што статуты Вялікага Княства – гэта не проста унікальныя міжнародныя дакументы. Гэта выбітныя помнікі сусветнай юрыдычнай думкі, надзвычай прагрэсіўныя і заклаўшыя аснову для падобных сводаў законаў па ўсёй Еўропе.
Для кожнага беларуса асабліва прыемна усведамляць, што гэтыя дакументы напісаны яго продкамі на старажытнай беларускай мове. А трэці Статут быў распрацаваны і прыняты дзякуючы намаганням аданаго з самых вядомых дзяржаўных дзеячаў беларускай зямлі – Льва Сапегі».
«Статуты, безумоўна, з’яўляюцца прыкладам неацэннага унёску беларускага народу ў сусветную культуру і ў закладанне асноў грамадска-палітычныга жыцця народаў Еўропы».
Кіраўніца міжнародных гуманітарных праектаў ГА «Інстытут ваеннай спадчыны» (Вільня) Марыя Навасельска, у сваю чаргу, распавяла, што «нагодай для стварэння экспазіцыі паслужылі юбілейныя даты: сёлета выданню Першага статута ВКЛ спаўняецца 490 гадоў, летась 430 гадоў споўнілася Трэцяму статуту».
Выстава будзе працаваць да канца красавіка.
